վերանորոգել է Արմավիր մարզի Շահումյան գյուղի դպրոցը
Նոր ուսումնական տարին Արմավիրի մարզի Շահումյան գյուղի աշակերտները դիմավորեցին գեղեցիկ վերանորոգված դպրոցում: Այն հնարավոր է դարձավ ՔՐՈՆԻՄԵՏ բարեգործական հիմնադրամի /ՔԲՀ/ աջակցության շնորհիվ:
Գյուղի դպրոցի խարխլված շենքի վերանորոգման աշխատանքներն իրականացվել են ՔԲՀ-ի՝Օժանդակություն նախադպրոցական և հիմնական կրթությանը բաղադրիչի շրջանակում, որի նպատակն է երեխաների համար ստեղծել պայմաններ ուսումնական պրոցեսը առավել արդյունավետ և հետաքրքիր դարձնելու համար:
Հիմնովին վերանորոգվել են շենքի երկու հարկերը՝ փոխարինվել են պատուհանները, նորոգվել են պատերն ու հատակները: Աշխատանքների ընդհանուր արժողությունը կազմել է 51 միլիոն ՀՀ դրամ:
Դպրոցի վերանորոգված հատվածի բացման հանդիսավոր արարողությանը, որը համընկավ նոր ուսումնական տարվա մեկնարկի հետ, ներկա գտնվեց Արմավիրի մարզպետը, որը շատ բարձր գնահատեց կատարված աշխատանքների որակը և հույս հայտնեց, որ ՔԲՀ-ի աջակցությունը մարզին շարունակական կլինի:
ՀԱՅԵՐԵՆ
Русский
English
Դաս. հայերեն
French
