Երևանի քաղաքապետարանը հոկտեմբերի 17-ին հայտարարում է թվով 24 երթուղիների սպասարկման մրցույթը
20-09-2013 13:22:27 | Հայաստան | Տնտեսություն
Երևանի քաղաքապետարանը կանոնավոր ուղևորափոխադրումներ իրականացնող բոլոր ընկերություններին հրավիրում է մասնակցելու մայրաքաղաքի թվով 23 ավտոբուսային և 1 միկրոավտոբուսային երթուղիների սպասարկման համար հայտարարված նոր մրցույթին:
Երթուղիների ուղղություններին, մրցույթի անցկացման կարգին և պայմաններին, ինչպես նաև պահանջվող փաստաթղթերի ցանկին կարելի է ծանոթանալ Երևանի քաղաքապետարանի պաշտոնական կայքում, հետևյալ հղումով՝ http://www.yerevan.am/edfiles/files/HAITARARUTYUN-2013.pdf :
Երևանի քաղաքապետարանից հայտնում են, որ հայտարարված մրցույթին կարող են մասնակցել նաև ուղևորափոխադրումների իրականացման փորձ ունեցող իրավաբանական անձինք: