Հայաստանի պետական ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյանն արժանացել է «Աշխատանքային վաստակի» համար շքանշանին
22-11-2013 18:43:12 | Հայաստան | Մշակույթ
Օրեր առաջ՝ նոյեմբերի 20-ին, Հայաստանի պետական ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյանն արժանացել է «Աշխատանքային վաստակի» համար շքանշանին (Order of Merit for Labour / Орден «За заслуги в труде»)` Իտալիայի հանրապետության նախագահ Ջորջո Նապոլիտանոյի ստորագրությամբ: Մրցանակը Մաեստրոյին հանձնվեց ՀՀ Նախագահի տիկին Ռիտա Սարգսյանի, Ֆիլհարմոնիկ նվագախմբի և բազմաթիվ հանդիսականների ներկայությամբ՝ ՀՀ-ում Իտալիայի հանրապետության Արտակարգ և լիազոր դեսպան Բրունո Սկապինիի կողմից:
Սա շատ պատվաբեր մրցանակ է. այն թերևս գնահատականն է Մաեստրո Թոփչյանի՝ իտալական երաժշտարվեստի, հատկապես օպերային արվեստի հանդեպ ունեցած խորը հետաքրքրության, սիրո և նվիրվածության, այն ուսումնասիրելու, կատարելու և տարածելու գործուն ջանքերի համար:
Կից ներկայացնում ենք լուսանկարներ պարգևատրման արարողությունից: