Մեկնարկեց Հայաստանի պարենային անվտանգության ծրագիրը (Տեսանյութ)

28-02-2014 13:35:37 | Հայաստան | Տնտեսություն

Փետրվարի 28-ին, ժամը` 11:00-ին «Արմենիա Մարիոթ» հյուրանոցի «Սիս» սրահում տեղի ունենցավ Հայաստանում «Հարավային Կովկասում տարածաշրջանային պարենային անվտանգության բարելավում ազգային ռազմավարության և փոքրածավալ արտադրության միջոցով» տարածաշրջանային քառամյա ծրագրի հանդիսավոր մեկնարկը:

Հայաստանում ծրագիրը ֆինանսավորվում է Եվրամիության կողմից և իրականացվում ՕՔՍՖԱՄ-ի կողմից` ՀՀ Գյուղատնտեսության նախարարության հետ համագործակցությամբ:

Ծրագրի բացմանը ելույթ ունեցան ՀՀ գյուղատնտեսության նախարար Սերգո Կարապետյանը, ՀՀ-ում ԵՄ պատվիրակության ղեկավար Տրայան Հրիսթեան եւ ՕՔՍՖԱՄ հայաստանյան գրասենյակի տնօրեն Մարգարիտա Հակոբյանը:

Միջոցառմանը մասնակցեցին նախարարությունների, միջազգային և տեղական կազմակերպությունների, մարզային և տեղական ինքնակառավարման մարմինների, գյուղատնտեսական կոոպերատիվների ներկայացուցիչներ:

Միջոցառման ավարտին մասնակիցների համար կազմակերպեց ընդունելություն:

Ծրագրի մասին.

Ծրագրի բյուջեն 596,460 եվրո է: Ծրագիրը կնպաստի Հայաստանում պարենային անվտանգության և սնուցման բարելավմանը, որը հնարավորություն կտա կանխելու պարենային հնարավոր ճգնաժամային իրավիճակները, ինչպես նաև կխթանի սննդի տեղական արտադրությունը:

Միջոցառման նկարներն այստեղ

Նոյյան տապան - Տնտեսություն

Կարդացել են 1233 անգամ

Մեկնարկեց Հայաստանի պարենային անվտանգության ծրագիրը (Տեսանյութ)

Noyan Tapan TV