Եգիպտոսի արդարադատության նախարար Մուհամեդ ալ Գինդին խոստացել է խստացնել պատիժը այն մարդկանց նկատմամբ, ովքեր կհրահրեն կրոնական ընդհարումներ: Այս մասին տեղեկացնում է vesti.ru-ն: Առաջիկա օրերին ռազմական տրիբունալի առաջ կկանգնի 200 մարդ, ովքեր այս կիրակի հարձակվել են Կահիրեի Սենտ-Մինա տաճարում գտնվող քրիստոնյաների վրա: Ագրեսիայի պատճառը եղել է այն, որ մուսուլմանները լսել են, թե տաճարում բռնի ուժով պահում են իսլամ ընդունած մի կնոջ: Վերջին տվյալներով` այդ անկարգությունների զոհ է դարձել 12 մարդ եւ վիրավորվել` 200-ից ավելին:

---