«Մեզ մի՜ ճնշեք, որ ապրենք մեր երկրում».Արթուր Գրիգորյան (Վարորդ-տեսագրություն)
16-05-2014 11:00:00 | Հայաստան | Մամուլի սրահ
Մայիսի 16-ին ժամը՝ 11.00-ին «Նոյյան Տապան»-ի մամուլի սրահում տեղի է ունեցավ ասուլիս ավտովարորդների մասնակցությամբ։
Թեման՝ «Ավտովարորդները բողոքում են, որ քաղաքապետարանը չի արձագանքում և չի լուծում իրենց կողմից ամիսներ շարունակ բարձրացրած հարցերը. հարցերին տրվում են պատասխաններ, սակայն՝ ո՜չ լուծումներ»:։
Բանախոսնրնեն՝
Տիգրան Հովհաննիսյան - «Ավտովարորդների լիգայի պաշտպանության» ՀԿ նախագահ
Ներկայացուցիչներ տարբեր տաքսի ծառայություններից:
Ասուլիսին մասնակցելու նպատակով, «Նոյյան Տապան»-ը դիմել է նաև քաղաքապետարանին, որի պատասխանը ներկայացնում ենք ստորև.
««Հարգելի «ՆՏ»
Ի պատասխան Երևանի քաղաքապետարանին ուղղված Ձեր հարցման ` աշխատակազմի տրանսպորտի վարչությունից տեղեկացնում են, որ հաշվի առնելով քննարկվելիք հարցերը Երևանի քաղաքապետարանի գործառույթներին առնչություն չունենալու հանգամանքը՝ Երևանի քաղաքապետարանի ներկայացուցչի մասնակցությունը ասուլիսին նպատակահարմար չէ։
Միաժամանակ հայտնում ենք, որ տաքսիների կայանատեղերի քանակի ավելացման խդիրը շահագրգիռ մարմինների, այդ թվում նաև «Ավտովարորդների պաշտպանության լիգա» իրավաբանական անձանց միության նախագահի հետ համատեղ ուսումնասիրելու, ներկայացված տեղերից յուրաքանչյուրի նպատակահարմարության հարցը քննարկելու արդյունքում, Երևանի քաղաքապետի լիազորությունների շրջանակներում, դեռևս 2010թ-ին սահմանված տաքսիների համար նախատեսված թվով 40 կայանատեղերը ավելացնելու ուղղությամբ, Երևանի քաղաքապետի կողմից կայացվեց 21.03.2014թ. հ.1037-Ա որոշումը, որով սահմանվեցին ևս թվով 35 կայանատեղեր։
Նշված որոշումը, ինչպես նաև բոլոր կայանատեղերի տարածքների հատակագիծ-սխեմաները փոխանցվել են, գործող օրենսդրության համաձայն՝ երթևեկության կազմակերպման տեխնիկական միջոցների (այս դեպքում՝ ճանապարհային նշանների ու գծանշումների) տեղադրումն իրականացնող՝ ՀՀ ոստիկանության «Ճանապարհային ոստիկանություն» ծառայությանը՝ կայանատեղերի կահավորման հետագա ընթացքն ապահովելու համար։ Աշխատանքները ընթացքի մեջ են։
Երևանի քաղաքապետի հանձնարարականի համաձայն՝ տաքսի-կայանատեղերի սահմանման համար նոր առաջարկություններ լինելու դեպքում հարցին համապատասխան ընթացք կտրվի և, իրավասու մարմինների դրական եզրակացությունների պարագայում՝ ևս մի քանի կայանատեղեր կսահմանվեն։
Երևանի քաղաքապետարանի աշխատակազմի
տեղեկատվության և հասարակայնության հետ կապերի վարչություն»:
Հաղորդման ուղիղ հեռարձակման ընթացքում կարելի է զանգահարել եւ հարցեր ուղղել բանախոսներին ամերիկյան 818 967 53 21 եւ հայաստանյան +374 60 35 11 31 հեռ/համարներով, Wiber, WhatsApp +374 55 50 90 75 համարով:
«Նոյյան Տապան»-ին աջակցել ցանկացողները կարող են մուտք գործել համապատասխան բաժինը հետեւյալ հղումով. Noyan Tapan TV - YouTube
Սիրելի հայրենակիցներ, մենք շատ ուրախ ենք տեսնել ձեր գրառումները եւ քննարկումները, սակայն հայհոյանքները ջնջվելու են, իսկ գռեհիկ գրառումների հեղինակները արգելափակվելուեն։