Հայտնի են Արամ Խաչատրյանի անվան դաշնակահարների միջազգային մրցույթի 26 դիմորդների անունները
19-05-2014 15:51:57 | Հայաստան | Մշակույթ
Արամ Խաչատրյանի անվան դաշնակահարների միջազգային մրցույթը ուրախ է հայտարարել, որ հայտնի են այն 26 դիմորդների անունները, ովքեր հաղթահարել են նախընտրական փուլը և արդեն համարվում են մրցույթի լիիրավ մասնակից:
Մրցույթի բացման հանդիսավոր արարողությունը տեղի կունենա հունիսի 6-ին` ժամը 19:00-ին, Արամ Խաչատրյան համերգասրահում: Երեկոյի ընթացքում ելույթ կունենան 2007թ-ից մրցույթի պաշտոնական նվագախումբ Հայաստանի պետական երիտասարդական նվագախումբը (գեղարվեստական ղեկավար և գլխավոր դիրիժոր Սերգեյ Սմբատյան) և բազմաթիվ միջազգային մրցույթների դափնեկիր, Արամ Խաչատրյանի անվան դաշնակահարների միջազգային մրցույթի ժյուրիի նախագահ, դաշնակահար Արմեն Բաբախանյանը:
Արամ Խաչատրյանի անվան միջազգային մրցույթը կյանքի է կոչվում ՀՀ մշակույթի նախարարության, «Արամ Խաչատրյան - մրցույթ» մշակութային հիմնադրամի և Երևանի Կոմիտասի անվան պետական կոնսերվատորիայի համատեղ ջանքերի շնորհիվ և անց է կացվում ՀՀ առաջին տիկին Ռիտա Սարգսյանի բարձր հովանու ներքո, ով և միաժամանակ հանդիսանում է մրցույթի հոգաբարձուների խորհրդի պատվավոր նախագահը:
ՀԱՅԵՐԵՆ
Русский
English
Դաս. հայերեն
French
