Մեկնարկեց ԱՊՀ անդամ պետությունների սպառողների իրավունքների պաշտպանության խորհրդատվական խորհրդի 6-րդ նիստը
20-05-2014 12:14:56 | Հայաստան | Տնտեսություն
Մայիսի 20-ին Ծաղկաձորի Ռոսիա հյուրանոցում մեկնարկեց ԱՊՀ անդամ պետությունների սպառողների իրավունքների պաշտպանության խորհրդատվական խորհրդի 6-րդ նիստը: Նիստի աշխատանքներին մասնակցում են ԱՊՀ անդամ պետությունների սպառողների իրավունքների պաշտպանության ոլորտի պաշտոնյաներ, Հայաստանի Հանրապետության պաշտոնատար անձինք, ինչպես նաև հասարակական կազմակերպությունների ներկայացուցիչներ:
Ողջույնի խոսքով նիստի մասնակիցներին դիմեցին ՀՀ էկոնոմիկայի նախարար Կարեն Ճշմարիտյանը և ԱՊՀ անդամ պետությունների սպառողների իրավունքների պաշտպանության խորհրդատվական խորհրդի նախագահ Գենադի Օնիշչենկոն:
Նիստի ընդմիջմանը տեղի ունեցած մամուլի ասուլիսի ընթացքում ՀՀ էկոնոմիկայի նախարարության Շուկայի վերահսկողության պետական տեսչության պետ Լևոն Խալիկյանը, ԱՊՀ անդամ պետությունների սպառողների իրավունքների պաշտպանության խորհրդատվական խորհրդի նախագահ Գենադի Օնիշչենկոն և ՌԴ Սպառողների իրավունքների և մարդու բարեկեցության պաշտպանության ոլորտում վերահսկողության Դաշնային ծառայության ղեկավար Աննա Պոպովան խոսեցին նախորդ նիստի որոշումների և ձեռք բերված պայմանավորվածությունների կատարման ընթացքի, ԱՊՀ անդամ պետություններում սպառողների իրավունքների պաշտպանության բնագավառում իրականացվող աշխատանքների մասին:
Նիստի ընդմիջմանը լրագրողների հարցերին պատասխանեց նաեւ ՀՀ էկոնոմիկայի նախարար Կարեն Ճշմարիտյանը: Ձեզ ենք ներկայացնում այդ ճեպազրույցի ամբողջական տեսագրությունը:
ՀԱՅԵՐԵՆ
Русский
English
Դաս. հայերեն
French
