Մայրաքաղաքում վերահսկվում են կանաչապատման աշխատանքները
09-06-2014 17:15:00 | Հայաստան | Տնտեսություն
Մայրաքաղաքում շարունակվող կանաչապատման և ծաղկապատման աշխատանքների մասով բնապահպանության վարչության պետը զեկուցել է, որ վարչական շրջանների ծաղկապատման համար նախատեսված տարածքներ է տեղափոխվել շուրջ 800 հազար ծաղկասածիլ: Ամբողջությամբ գործարկված են նաև ոռոգման համակարգերը:
Այս մասին Երևանի քաղաքապետ Տարոն Մարգարյանին զեկուցվել է աշխատանքային հերթական խորհրդակցության ընթացքում:
Ոռոգման ցանցի ընդլայնման շրջանակում իրականացվող աշխատանքների մասով էլ զեկուցվել է, որ համակարգի նոր կառուցված հատվածները հընթացս փորձարկվում և հանձնվում են շահագործման:
Երևանի քաղաքապետարանի տեղեկատվության և հասարակայնության հետ կապերի վարչությունից հայտնում են, որ քաղաքապետ Տարոն Մարգարյանը պատասխանատուներին հանձնարարել է անմիջական հսկողություն սահմանել կանաչապատման աշխատանքների նկատմամբ՝ կարճ ժամանակահատվածում ապահովելով ցանկալի արդյունք:
ՀԱՅԵՐԵՆ
Русский
English
Դաս. հայերեն
French
