Մայրաքաղաքի կանաչ գոտիներում ընթանում են խոտհնձի աշխատանքները
17-09-2014 18:42:11 | Հայաստան | Տնտեսություն
Մայիսի 15-ից մայրաքաղաքի վարչական շրջանների բակային տարածքներում, զբոսայգիներում, պուրակներում, ճանապարհներին հարակից ու կանաչ այլ գոտիներում ընթացող խոտհնձի աշխատանքները կշարունակվեն մինչև հոկտեմբերի 15-ը: Գործընթացը պատշաճ կազմակերպելու համար բոլոր վարչական շրջանների կանաչապատման ընկերություններն ապահովված են խոտհնձիչ մեքենաներով։ Շուրջ 1000 խոտհնձիչներ էլ տրամադրվել են բուժհաստատություններին, դպրոցներին, մանկապարտեզներին` հարակից տարածքի խոտհունձը կազմակերպելու համար: Երևանի քաղաքապետարանի տեղեկատվության և հասարակայնության հետ կապերի վարչությունից հայտնում են որ՝ համաձայն Երևանի քաղաքապետի հանձնարարականի՝ անկախ պատկանելությունից, խոտհունձ է իրականացվում թե ընդհանուր, թե սահմանափակ օգտագործման կանաչ տարածքներում։