Մայրաքաղաքում մաքրվում են անձրևատար և հեղեղատար համակարգերը
17-09-2014 18:45:31 | Հայաստան | Տնտեսություն
Մայրաքաղաքի անձրևատար ու հեղեղատար համակարգերը պարբերաբար մաքրվում են: Գործընթացն ավելի ծավալուն է դառնում հատկապես գարնան և աշնան ամիսներին, քանի որ տարվա այդ ժամանակահատվածներում են արձանագրվում առատ տեղումներ: Հնարավոր հետևանքներից խուսափելու նպատակով «Երևան Ջուր» ընկերությունը, Երևանի քաղաքապետարանի աջակցությամբ, մայրաքաղաքի գլխավոր ու երկրորդական մի շարք փողոցներում ավելի շատ տեխնիկական միջոցներ և աշխատուժ կներգրավի անձրևատարներն ու սելավատարները մաքրելու համար:
Երևանի քաղաքապետարանից հայտնում են, որ Երևանում, ըստ առաջնահերթության, շարունակվում է ջրահեռացման համակարգերի նորոգումը, միաժամանակ միջոցներ են ձեռնարկվում դրանք ընդլայնելու համար:
ՀԱՅԵՐԵՆ
Русский
English
Դաս. հայերեն
French
