Հայ-ճապոնական համգործակցության ընթացքում ձևավորվել է 3 ապրանքանիշ

03-11-2014 14:53:56 | Հայաստան | Տնտեսություն

Տեղի ունեցավ «Տեղական արտադրության զարգացում և տեղական ապրանքանիշերի առաջմղում Հայաստանում» Հայաստանի ՓՄՁ ԶԱԿ-ՃՄՀԳ համատեղ ծրագրի Համակարգող խորհրդի տարեկան հանդիպումը, որի ընթացքում ամփոփվեց նաև ՓՄՁ ԶԱԿ- Ճապոնիայի միջազգային համագործակցության գործակալություն (ՃՄՀԳ) գործակցության 10-ամյակը: Հանդիպմանը մասնակցեցին ՀՀ էկոնոմիկայի նախարարի առաջին տեղակալ Գարեգին Մելքոնյանը, ՃՄՀԳ փոխնախագահ Կաե Յանագիսավան, Հայաստանի ՓՄՁ ԶԱԿ հիմնադրամի գործադիր տնօրեն Գեղամ Պետրոսյանը, ՃՄՀԳ ծրագրերի

հայ և ճապոնացի փորձագետները, ներկայացուցիչներ էկոնոմիկայի նախարարությունից, ՓՄՁ ԶԱԿ-ի գործընկեր կազմակերպություններից: Ծրագրի փորձագիտական խմբի ղեկավար Ցուկամոտո Ակիհիրոն, ամփոփելով

ծրագրի արդյունքները նշեց, որ նպատակն է օգտագործելով ճապոնական «Մեկ գյուղ, մեկ ապրանք» հայեցակարգը՝ համայնքներում ստեղծել և առաջ մղել տեղական առանձնահատկություններով օժտված ապրանքներ և

ծառայություններ, որոնք ճանաչելի կդառնան ներքին շուկայում, իսկ հետագայում նաև արտաքին շուկաներում: Ծրագիրը մեկնարկել 2013թ․ մայիսից: Հանդիպման ընթացքում ներկայացվեցին ծրագրի ընթացքը և գրանցված արդյունքները, սահմանվեցին հետագա գործունեության ուղենիշները և հնարավոր ուղղությունները: Հայ-ճապոնական ծրագիրն արդեն արձանագրել է նշանակալի արդյունքներ: Ծրագրի համակարգող Գառնիկ Մանուկյանը տեղեկացրեց, որ անցած մեկուկես

տարվա ընթացքում ձևավորվել է 3 ապրանքանիշ՝ «Բագֆրուտ», «Լուսաշող կաթնամթերք», «Նաիրյան չրեր»: Դրանից բացի, ՓՄՁ ԶԱԿ-ի և ձեռնարկատերերի համար անցկացվել են կարողությունների զարգացման դասընթացներ, փորձի

փոխանակման ծրագրեր, կազմակերպվել է Իջևանի արվեստի փառատոնը, որի ընթացքում մարզի և հանրապետության արտադրողները հնարավորություն են ունեցել ցուցադրել և վաճառել իրենց արտադրանքը:

Նոյյան տապան - Տնտեսություն

Կարդացել են 292 անգամ

Հայ-ճապոնական համգործակցության ընթացքում ձևավորվել է 3 ապրանքանիշ

Noyan Tapan TV