ՓՄՁ ԶԱԿ-ը կփոխհատուցի ՓՄՁ-ների ձեռք բերած ՀԴՄ-ների արժեքը
03-11-2014 15:17:51 | Հայաստան | Տնտեսություն
Հայաստանի Հանրապետության կառավարության 2014 թվականի սեպտեմբերի 11-ի N1017-Ն որոշմամբ «Հայաստանի փոքր և միջին ձեռնարկատիրության զարգացման ազգային կենտրոն» հիմնադրամը նոյեմբերի 1-ից իրականացնում է «ՓՄՁ սուբյեկտների կողմից նոր սերնդի հսկիչ-դրամարկղային մեքենաների ձեռքբերման արժեքի փոխհատուցման» նոր ծրագիրը: Ծրագրից կարող են օգտվել ՀՀ մարզերի գյուղական համայնքներում գործող այն տնտեսվարող սուբյեկտները, որոնց նախորդ տարվա շրջանառությունը չի գերազանցել 10 մլն ՀՀ դրամը և որոնք ՀԴՄ-ները ձեռք են բերել կամ ձեռք կբերեն 2014 թվականի հուլիսի 1-ից մինչև դեկտեմբերի 31-ն ընկած ժամանակահատվածում: Հայաստանի ՓՄՁ ԶԱԿ-ը ՀԴՄ-ների ձեռքբերման արժեքը փոխհատուցում է 100 տոկոսի չափով:
Ծրագրին դիմելու համար պետք է ներկայացվեն հետևյալ փաստաթղթերը.
• Կազմակերպության/անհատ ձեռնարկատիրոջ պետական գրանցման/հաշվառման վկայականի պատճենը/քաղվածք վկայականից,
• "ՀԴՄ-ների ներդրման գրասենյակ" ՊՈԱԿ-ի հետ կնքված հանձնման-ընդունման ակտի պատճենը,
• ՀԴՄ ձեռք բերելու համար վճարումը հավաստող փաստաթուղթը