Անդրանիկ Մարգարյանին նվիրված շախմատի 5-րդ հուշամրցաշարին մասնակցում է շուրջ 780 շախմատիստ
14-01-2015 15:06:42 | Հայաստան | Սպորտ
Երևանի քաղաքապետ Տարոն Մարգարյանն այցելել է Հայաստանի շախմատի ակադեմիա, հետևել ՀՀ երջանակահիշատակ վարչապետ, Հայաստանի շախմատի ակադեմիայի հիմնադիր Անդրանիկ Մարգարյանին նվիրված 5-րդ հուշամրցաշարի ընթացքին: Ակադեմիայի տնօրեն, Հայաստանի շախմատի ֆեդերացիայի նախագահի առաջին տեղակալ Սմբատ Լպուտյանի ուղեկցությամբ քաղաքապետ Տարոն Մարգարյանը շրջել է շախմատի մրցասրահում: Քաղաքապետին ներկայացնելով ընթացքը՝ Սմբատ Լպուտյանը նշել է, որ հուշամրցաշարն այս տարի հավաքել է բացառիկ մեծ կազմ, որը շուրջ 100-ով ավելի է քան 2014թ-ին: Պայքարն ընթանում է տարիքային տարբեր խմբերում և մասնակցում են 8-18 տարեկան շուրջ 780 շախմատիստներ: Հունվարի 8-ին մեկնարկած հուշամրցաշարը կավարտվի հունվարի 16-ին, մրցաշարի բոլոր հաղթողները կպարգևատրվեն մրցանակներով և դիպլոմներով: