Ֆրանսիացի օդաչուները դատի կտան A320 ինքնաթիռի կործանման հետաքննությունից արտահոսքեր կազմակերպողներին

27-03-2015 17:48:40 | Ֆրանսիա | Միջազգային

Ֆրանսիացի քաղաքացիական օդաչուների արհմիությունը (SNPL) մտադիր է դատի տալ Ֆրանսիայի հարավում A320 ինքնաթիռի կործանման հետաքննության վերաբերյալ լրատվամիջոցներում արտահոսքեր կազմակերպողներին, տեղեկացնում է France Info ռադիոկայանը:

«Մենք որոշել ենք հայց ներկայացնել և կոչ ենք անում ուղղումներ կատարել Տրանսպորտային աղետների հետաքննության ու վերլուծության բյուրոյի աշխատանքներում»,- հայտարարել է արհմիության նախագահ Էրիկ Դերիվրին:

Այս որոշումը կայացվել է The New York Times-ում աղետի վերաբերյալ տեղեկությունների հրապարակումից հետո, որոնք ստացվել են բյուրոյից:

«Սկզբում բյուրոն մամուլի ասուլիս է անցկացնում ու ասում, որ դեռ մեկնաբանություններ չի կարող տա, իսկ ընդամենը մի քանի ժամ անց The New York Times-ը մանրամասն տեղեկություններ է հաղորդում, որոնց իսկությունը հետագայում հաստատել է Ֆրանսիայի դատախազությունը»,- ասել է Դերիվրին:

lragir.am

Նոյյան տապան - Միջազգային

Կարդացել են 780 անգամ

Ֆրանսիացի օդաչուները դատի կտան A320 ինքնաթիռի կործանման հետաքննությունից արտահոսքեր կազմակերպողներին

Noyan Tapan TV