«Մանչեսթր Յունայթեդ»-ի գլխավոր մարզիչ Սըր Ալեքս Ֆերգյուսոնը իր խաղացողներին հայտարարել է, որ մայիսի 28-ին կայանալիք Չեմպիոնների Լիգայի եզրափակչում «Բարսելոնայի» դեմ խաղում նրանք վախենալու ոչինչ չունեն: «Յունայթեդ»-ը 6-1 ընդհանուր հաշվով հաղթել է «Շալկե»-ին, ինչի շնորհիվ Ուեմբլի մարզադաշտում կխաղա այն թիմի դեմ, ում 2009 թվականի Չեմպիոնների Լիգայի եզրափակչում պարտվել էր: «Ես չեմ կարծում, որ մենք այնտեղ պետք է անվստահ գնանք: Մենք ֆանտաստիկ ֆուտբոլ ենք խաղում: Եվ մեր խնդիրն է լուծում գտնել Բարսելոնայի հետ խաղի համար»,- ասել է Ֆերգյուսոնը: Բարսելոնան իր «ոխերիմ» մրցակցին` «Ռեալ Մադրիդ»-ին, հաղթել է ընդհանուր 3-1 հաշվով, այսպիսով իր տեղն ապահովելով Ուեմբլիում: Ֆերգյուսոնը պատրաստվում է զրուցել «Ռեալ»-ի գլխավոր մարզիչ Ժոզե Մոուրինիոյի հետ` 2009 թվականին Չեմպիոնների Լիգայի եզրափակչում Հռոմում տարած պարտության համար «վրեժ լուծելու» քայլերի մասին: «Ես Մոուրինիոյի հետ խոսել եմ շատ անգամ»,-ավելացրել է Ֆերգյուսոնը. -«Ես նրա հետ անցած շաբաթ էլ եմ խոսել»: «Կարծում եմ, մենք Բարսելոնայի մասին մեր իսկ իմացած ինֆորմացիայի վրա հույս կդնենք:Այնպես չէ, որ մենք նրանց երբեւէ չենք հանդիպել: Այս մրցաշրջանում նրանց խաղերը շատ ենք տեսել»,-ասել նա:

---