Հրատարակվել են Կալլիստոս եպիսկոպոսի «Ուղղափառ ուղին» եւ «Վարք սրբոցի» աշխարհաբար թարգմանության Դ հատորը
22-12-2010 15:10:00 | Հայաստան | Հասարակություն
ԷՋՄԻԱԾԻՆ, 22 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Մայր Աթոռ Սուրբ Էջմիածնի Հրատարակչական բաժինը լույս է ընծայել Կալլիստոս եպիսկոպոսի «Ուղղափառ ուղին» եւ «Վարք սրբոցի» աշխարհաբար թարգմանության Դ հատորը:
20-րդ դարի բյուզանդական ուղղափառ աստվածաբանական մտածողության բացառիկ ներկայացուցիչներից մեկի` եպիսկոպոս Կալլիստոս Վեարի, «Ուղղափառ ուղին» գիրքն առաջին անգամ է հայերեն հրատարակվում: Գիրքն անգլերենից հայերեն է թարգմանել Հասմիկ Մուրադյանը:
«Վարք Սրբոցի» Դ հատորը, ընդգրկում է «Ս. Պանդալիոն - Ս. Կույս Քրիստոնիա» հոդվածները: Այն գրաբարից թարգմանել է Գեւորգ Մադոյանը:
Ըստ Մայր Աթոռ Սբ. Էջմիածնի Տեղեկատվական համակարգի հաղորդագրության, երկու աշխատությունները հրատարակվել են «Սարգիս Գաբրիելյան» հիմնադրամի մեկենասությամբ: