ՀՀ գյուղնախարար Սերգո Կարապետյանի աշխատանքային այցը Իտալիա
09-06-2015 11:53:17 | Իտալիա | Տնտեսություն
Հունիսի 6-ից 8-ը ՀՀ գյուղատնտեսության նախարար Սերգո Կարապետյանը աշխատանքային այցով գտնվում էր Հռոմում՝ ՄԱԿ-ի պարենի և գյուղատնտեսության կազմակերպության 39-րդ նստաշրջանի աշխատանքներին մասնակցելու նպատակով:
Նստաշրջանի ընթացքում գյուղատնտեսության նախարարը ունեցավ մի շարք հանդիպումներ, որոնց ընթացքում քննարկվեցին գյուղատնտեսության ոլորտին առնչվող երկկողմ հարցեր: Մասնավորապես կարճատև առանձնազրույցներ կայացան Վրաստանի, Իրանի և Իտալիայի գյուղատնտեսության նախարարների հետ:
Վրաստանի գյուղատնտեսության նախարար Օթար Դանելիայի հետ հանդիպման ընթացքում վերջինս նախարար Սերգո Կարապետյանին հրավիրեց այցելել Վրաստան:
Իրանի գյուղատնտեսության նախարար Մահմուդ Հոջաթիի հետ հանդիպման ընթացքում նախարար Կարապետյանը վերահաստատեց Հայաստան այցելելու իր հրավերը:
Նստաշրջանի օրակարգում էր նաև գլխավոր տնօրենի ընտրության հարցը: Ընտրությունների արդյունքներով գլխավոր տնօրենի պաշտոնում վերընտրվեց գործող տնօրեն Խոսե Գրացիանո դա Սիլվան՝ չորս տարի ժամկետով:
Ընտրություններից հետո ՀՀ գյուղատնտեսության նախարար Սերգո Կարապետյանը ՀՀ Նախագահի և վարչապետի անունից շնորհավորեց նորընտիր գլխավոր տնօրենին և հրավիրեց այցելել Հայաստան:
ՄԱԿ-ի պարենի և գյուղատնտեսության կազմակերպության 39-րդ նստաշրջանի շրջանակներում մի շարք երկրներ պարգևատրվեցին պատվոգրերով՝ Հազարամյակի զարգացման նպատակների չափորոշիչներով աղքատության կրճատման բնագավառում զգալի առաջընթացի համար:
ՀԱՅԵՐԵՆ
Русский
English
Դաս. հայերեն
French
