Մանուկների տոնը` «Օրրանում» (տեսանյութեր և ֆոտոշարք)

11-06-2015 18:24:05 | Հայաստան | Բարեգործություն

Այս տարի «Օրրան» բարեգործկան կենտրոնում երեխաների պաշտպանության միջազգային օրը նշվեց հունիսի 11-ին:

Ըստ «Օրրանի» հիմնադիր Արմինե Հովհաննիսյանի` մանուկների օրն ուշացումով նշվում է այն պատճառով, որ «Օրրանի» շահառու երեխաներն ընդգրկված են եղել մայրաքաղաքի հունիսմեկյան տոնական մեծ միջոցառումներում: Նրա խոսքով` «Օրրանի» պատերի ներքո երեխաները պաշտպանված են ոչ թե մեկ օր, այլ մեկ ամբողջ տարի:

Ավանդույթի համաձայն` տոնական միջոցառմանը «Օրրանի» կողքին էին կենտրոնի ընկերները` երաժիշտներ, դերասաններ, հեռուստահաղորդավարներ և այլ մշակութային գործիչներ:

Երեխաների և հյուրերի համար տոնական հյուրասիրություն ապահովեց «Օրրանի» գործընկեր «Արմենիա Մարիոթ» հյուրանոցային համալիրի խոհարարական կազմը, իսկ «Թամարա» ընկերությունը բոլոր ներկաներին հյուրասիրեց պաղպաղակներ:

Մանուկների օրն անմոռանալի դարձնելու նպատակով երեխաներին զվարճացնելու էին եկել հեքիաթի հերոսներ:

«Օրրանի» շահառու տարեցները ևս անմասն չմնացին տոնական միջոցառումներից. Նրանք իրենց երգ ու պարով շնորհավորեցին մանուկներին իրենց տոնի կապակցությամբ:

Տոնական միջոցառումը «Օրրանում» ավարտվեց տորթի հյուրասիրությամբ և բարեմաղթանքներով լի փուչիկների երկինք բացթողնմամբ: