Էլեկտրաէներգիայի թանկացման դեմ ցույցը շարունակվում է. ցուցարարները եւ ոստիկանները վճռական են տրամադրված. Տեսանյութեր

23-06-2015 19:06:11 | Հայաստան | Քաղաքական

Էլեկտրաէներգիայի թանկացման դեմ ցույցի մասնակիցները հունիսի 23-ին դատապարտեցին նույն օրը լուսադեմին ոստիկանության կողմիրց կատարված բռնությունները եւ հայտարարեցին, որ իրենք չեն կոտրվելու, այլ շարունակելու են իրենց պայքարը:

Ակտիվիստներից Եղիա Ներսիսյանը հորդորեց ցուցարարներին հետ գնալ՝ դեպի Ազատության հրապարակ: Ցուցարարները Բաղրամյան պողոտայից ուղեւորվեցին դեպի Ազատության հրապարակ: Մինչ այդ ոստիկանները փակել էին Բաղրամյան պողոտան: Այժմ երթեւեկությունը սկսում է վերականգնվել:

Ոստիկանները վահանակներով փակել են ամբողջ ճանապարհը դեպի Բաղրամյան պողոտա, որտեղ տեղակայված է ՀՀ նախագահի նստավայրը:

Փողոցում կուտակվել են ոստիկանական մեքենաներ, այդ թվում ջրցան մեքենաներ: