Թունիսում ահաբեկիչները գնդակահարել են զբոսաշրջիկներին. զոհվել է առնվազն 27 մարդ
26-06-2015 18:04:23 | Թունիս | Միջազգային
Թունիսի Սուս քաղաքի հինգաստղանի Imperial Marhaba հյուրանոցի մոտ ահաբեկիչները գնդակահարել են զբոսաշրջիկներին,-հաղորդում է BBC-ին: Կալաշնիկով ինքնաձիգով նրանք կրակ են բացել Միջերկրական ծովի ափին հանգստացող մարդկանց ուղղությամբ:
Վերջին տվյալներով, զոհվել է առնվազն 27 մարդ, կան տասնյակ վիրավորներ: Սպանված զբոսաշրջիկները Մեծ Բրիտանիայի, Ֆրանսիայի, Իտալիայի, Կոլումբիայի եւ Ճապոնիայի քաղաքացիներ են եղել: Որոշ տեղեկություններով, ահաբեկիչները երկուսն են եղել: Իրավապահներին հաջողվել է վնասազերծել նրանցից մեկին, մյուսին հաջողվել է թաքնվել:
ԳԱԼԱ-ն հիշեցնում է, որ Թունիսում նման դեպք էր արձանագրվել նաեւ մարտի 18-ին, երբ «Բարդո» թանգարանում գնդակահարվեց 21 մարդ, ավելի քան 40-ը վիրավորվել էին:
Հաղորդվում է, որ ահաբեկչության պատասխանատվությունը ստանձնել է «Իսլամական պետությունը»: