Սիրիայում առաջին անգամ գլխատել են կանանց այլ մարդկանց աչքի առջեւ
30-06-2015 16:11:25 | Սիրիա | Միջազգային
«Իսլամական պետություն» ահաբեկչական խմբավորման զինյալները Սիրիայում գլխատել են 2 կնոջ, որոնց կասկածել են կախարդությամբ զբաղվելու մեջ,-հաղորդում է Reuters-ը:
Մահապատիժն իրականացվել է երկրի արեւելյան Դեյր-էզ-Զոր նահանգում: Syrian Observatory for Human Rights իրավապաշտպան կազմակերպության ղեկավար Ռամի Աբդուլռախմանի տեղեկացմամբ, կանանց հետ միասին գլխատել են նաեւ նրանց ամուսիններին:
«Սիրիայում առաջին անգամ են թրով գլխատում կանանց այլ մարդկանց աչքի առջեւ: Նախկինում իսլամիստները այդ կերպ պատժում էին միայն տղամարդկանց»,-նշել է Աբդուլռախմանը:
ԳԱԼԱ-ն հիշեցնում է, որ ջիհադիստները 9 օրվա ընթացքում սիրիական Պալմիրա քաղաքում գնդակահարել եւ գլխատել էին 217 մարդու, իսկ Ալ-Ամարիա ավանում սպանել էին 45 խաղաղ բնակչի: