Ինդոնեզիայում կործանվել է 113 ուղևորով ինքնաթիռ, ողջ մնացածներ չկան (Տեսանյութ)
30-06-2015 17:22:45 | Ինդոնեզիա | Միջազգային
Ինդոնեզիայում կործանված «Հերկուլես» С-130 ռազմական տրանսպորտային ինքնաթիռում 113 մարդ է եղել՝ ինքնաթիռի 12 անձնակազմն ու 101 ուղևոր: Նրանցից ոչ մեկ ողջ չի մնացել, հայտնում է France Presse գործակալությունը՝ հղում կատարելով Ինդոնեզիայի զինված ուժերի ներկայացուցչին: «Հերկուլեսի» կործանումը գրանցվել է թռիչքից մի քանի րոպե հետո` Մեդան քաղաքի մոտերքում: Ինքնաթիռը կործանվել է քաղաքի արվարձանում՝ հարվածելով երկու բնակելի տան ու մի քանի մեքենաների: Ինքնաթիռի անկման վայրում հզոր հրդեհ է գրանցվել: Նախնական տվյալներով՝ վթարի պատճառն է դարձել ինքնաթիռի շարժիչի խափանումը:
ՀԱՅԵՐԵՆ
Русский
English
Դաս. հայերեն
French
