Ռուսաստանի բանակը զինվելու է ռադիոէլեկտրոնային պայքարի գերհզոր համակարգով

01-07-2015 17:47:57 | Ռուսաստան | Գիտություն եւ տեխնոլոգիաներ

Ռուսաստանի զինվորականները մշակում են ռադիոէլեկտրոնային պայքարի համակարգ, որը կարողանալու է անջատել հակառակորդի ռազմական արբանյակները:

Այսպիսով, Ռուսաստանի բանակը շուտով զինվելու է այդ նոր համակարգով, որը հնարավորություն է ունենալու խափանել գերճշգրիտ զենքերի նշանառության համակարգերը և հակառակորդի ռազմական արբանյակները: Այս մասին հաղորդում է ՏԱՍՍ-ը` վկայակոչելով պետական «Ռոստեխ» ընկերության կազմում գտնվող «Ռադիոէլեկտրոնային տեխնոլոգիաներ» կոնցեռնի գլխավոր տնօրեն Յուրի Մայևսկուն: Վերջինիս տեղեկացմամբ, այդ նոր համակարգը տեղադրվելու է ոչ թե տիեզերքում, այլ ցամաքային, օդային և ծովային կրիչների վրա: Այն ամբողջությամբ խափանելու է կապը, ծովագնացությունը եւ ռադիոլոկացիան, ինչպես նաեւ գերճշգրիտ զենքի կիրառումը հակառակորդի կողմից:

Նոյյան տապան - Գիտություն եւ տեխնոլոգիաներ

Կարդացել են 1147 անգամ

Ռուսաստանի բանակը զինվելու է ռադիոէլեկտրոնային պայքարի գերհզոր համակարգով

Noyan Tapan TV