Մեկնարկել է Համահայկական հայագիտական 7-րդ օլիմպիադան

23-07-2015 14:57:35 | Կոտայքի մարզ | Գիտություն եւ տեխնոլոգիաներ

Աղվերանում մեկնարկել է ՀՀ կրթության և գիտության նախարարության կողմից կազմակերպվող Համահայկական հայագիտական 7-րդ օլիմպիադան, որը կավարտվի հուլիսի 27-ին: Օլիմպիադային մասնակցում են 100 պատվիրակներ՝ Հայաստանից, Արցախից և 7 սփյուռքահայ գաղթօջախներից: Այս օրերին 14-18 տարեկան շուրջ 80 հայ պատանիներ և աղջիկներ իրենց գիտելիքներով մրցելու են հայոց լեզվի, հայ գրականության, պատմության, մշակույթի պատմության ոլորտներում: Առանձին անցկացվելու է հայ եկեղեցու պատմության մրցույթ:

Մասնակիցները պետք է կարողանան դրսևորել գիտելիքներ բոլոր ոլորտներից՝ ինչպես գրավոր, այնպես էլ բանավոր հարցման ժամանակ:
Բացի հիմնական մրցույթից, նախատեսված են նաև հայկական երգի և ասմունքի մրցույթներ, ինչպես նաև ուսուցողական և ժամանցային միջոցառումներ, այցելություններ պատմամշակութային վայրեր:

Նշենք, որ, Համահայկական հայագիտական օլիմպիադան անցկացվում է երկու տարին մեկ անգամ:

Նոյյան տապան - Գիտություն եւ տեխնոլոգիաներ

Կարդացել են 913 անգամ

Մեկնարկել է Համահայկական հայագիտական 7-րդ օլիմպիադան

Noyan Tapan TV