Հայաստանի հեծանվորդները մասնակցելու են հրապարակային հեծանվասպորտի աշխարհի երիտասարդական առաջնությանը
18-08-2015 15:24:38 | Ղազախստան | Սպորտ
Վաղը Աստանայում մեկնարկում է հրապարակային հեծանվասպորտի աշխարհի երիտասարդական առաջնությունը, որին մասնակցում են 32 երկրների, այդ թվում՝ Հայաստանի հեծանվորդները: Հայաստանի հեծանվային մարզաձեւի ֆեդերացիայի որոշմամբ օգոստոսի 16-ին Աստանա մեկնած պատվիրակության կազմում եմ Արմեն Գյոզալյանը (հավաքականի գլխավոր մարզիչ), Արսեն Բորյանը (մեխանիկ), Արթուր Ղազարյանը (բժիշկ-մերսող), իսկ աշխարհի առաջնությանը մասնակցելու են հուլիս ամսին Հունաստանում Եվրոպայի չեմպիոնի կոչումը նվաճած Էդգար Ստեփանյանն ու Պավել Ստեփանյանը: Հայ մարզիկները, համաձայն ծրագրի, մարզումներ են անցկացրել Աստանայի հեծանվահրապարակում, իսկ վաղը սկսում է մրցումները: Հայաստանի հեծանվային մարզաձեւերի ֆեդերացիայից հավելում են, որ Աշխարհի առաջնությանը լավ նախապատրաստվելու համար մեր հեծանվորդները 10-օրյա ուսումնամարզական հավաք են անցկացրել Ծաղկաձորում: