Սողանքների հետևանքով Ալյասկայի հարավում արտակարգ իրավիճակ է հայտարարված
19-08-2015 16:38:32 | ԱՄՆ | Միջազգային
Ալյասկա նահանգի Սիտկա քաղաքում արտակարգ իրավիճակ է հայտարարված. պատճառը հորդառատ անձրևների հետանքով առաջած սողանքներ են: Այս մասին գրում է tass.ru-ն` վկայակոչելով Սի-բի-էս-ին:
Մոլեգնած աղետի հետևանքով չորս մարդ անհետ կորած է համարվում: Ներկայումս ընթանում են որոնողական աշխատանքներ:
«Քաղաքի որոշ շրջաններում ստեղծվել է վտանգավոր իրավիճակ: Երեքշաբթի տեղի է ունեցել չորս սողանք, որը հնարավոր է կրկնվի»,- նշել է քաղաքային իշխանությունների պաշտոնական ներկայացուցիչ Սեյրա Պետերսոնը:
Նրա տեղեկացմամբ` վտանգավոր գոտում գտնվող քաղաքային շենքերի բնակիչները տարհանվել են: