Բուլղարիան արգելել է Ռուսաստանին օգտվել իր երկրի օդային տարածքից
08-09-2015 17:35:08 | Բուլղարիա | Միջազգային
Բուլղարիան արգելել է Ռուսաստանին օգտվել իր երկրի օդային տարածքից Սիրիային հումանիտար օգնություն հասցնելու համար: Այս մասին գրում է lenta.ru-ն` վկայակոչելով Reuters-ին:
«Բեռների տեղափոխության մասին լուրերը մեզ ստիպում են լրջորեն անհանգստանալ: Հենց այս է պատճառը, որ մենք հրաժարվում ենք տրամադրել մեր օդային տարածքը»,- հայտարարել է Բուլղարիայի արտաքին քաղաքականությամբ զբաղվող գերատեսչության պաշտոնական ներկայացուցիչ Բետինա Ժոտևան:
Ըստ նրա` վերոնշյալ որոշումը կայացվել է նախորդ մի քանի օրերի ընթացքում:
Ռուսաստանի արտգործնախարարությունում դեռևս ոչ մի կերպ չեն մեկնաբանել ստեղծված իրավիճակը: