Սիրիացի հարյուրավոր փախստականներ փորձել են Դանիայով հասնել Շվեդիա
09-09-2015 18:50:16 | Դանիա | Միջազգային
Գերմանիայից Դանիա հասած ավելի քան 300 միգրանտներ ոտքով շարժվել են դեպի սահմանային Պադբորգ և հայտարարել, որ նրանք ապաստարան են ուզում հարևան Շվեդիայում:
Այս մասին գրում է gazeta.ru-ն` վկայակոչելով The Local-ին:
Վերջին մի քանի օրերի ընթացքում Գերմանիայից Դանիա են տեղափոխվել հազարից ավելի փախստականներ, ովքեր ցանկանում են հասնել Շվեդիա և չեն պատրաստվում ապաստարանի համար դիմել Դանիային, քանի որ այնտեղի իշխանությունները գործազուրկ միգրանտների նկատմամբ խստացրել են քաղաքականությունը:
Մի քանի հարյուր մարդ հրաժարվել է լքել Դանիայի գնացքները` պահանջնելով թույլ տալ իրենց գնալ Շվեդիա: