Սիրիացի փախստականներն Ուրուգվայից ցանկանում են վերադառնալ իրենց հայրենիք
10-09-2015 18:28:18 | Ուրուգվայ | Միջազգային
Ուրուգվայում սիրիացի փախստականները ցանկություն են հայտնել վերադառնալ Սիրիա: Այս մասին գրում է gazeta.ru-ն` վկայակոչելով CNN-ին:
Փախստականները դժգոհություն են հայտնել, որ Ուրուգվայում կյանքը շատ թանկ է և իրենք հնարավոր է զրկվեն իշխանությունների կողմից իրենց հատկացված բնակարաններից:
Նախորդ տարի Ուրուգվայ են եկել 42 սիրիացի, այս տարի նրանց թիվը հասել է 44-ի:
Սիրիացի փախստականները դուրս են եկել Ուրուգվայի «Ազատության» հրապարակ և բողոքել, որ իրենց համապատասխան օգնություն չի ցուցաբերվում, ուստի իրենք ցանկանում են վերադառնալ Սիրիա: