«Մուսալեռ» հայրենակցական միության ներկայացուցիչներն այցելեցին Ծիծեռնակաբերդ
18-09-2015 15:45:38 | Հայաստան | Մամլո հաղորդագրություն
Սեպտեմբերի 18-ին «Մուսալեռ» հայրենակցական միության ներկայացուցիչներն այցելեցին Ծիծեռնակաբերդ, ծաղկեպսակ դրեցին Հայոց ցեղասպանության զոհերի հիշատակը հավերժացնող հուշակոթողին, ծաղիկներ խոնարհեցին անմար կրակի մոտ, լռությամբ և խոնարհումով հարգեցին մեկուկես միլիոն անմեղ զոհերի հիշատակը։
«Մուսալեռ» հայրենակցական միության ներկայացուցիչները եղան Ցեղասպանության թանգարանում, որտեղ Հայոց ցեղասպանության թանգարան-ինստիտուտի տնօրեն Հայկ Դեմոյանի մասնկցությամբ տեղի ունեցավ ֆրանսահայ ճարտարագետ Ժորժ Կևորկյանի «Ֆրանսիական ռազմածովային նավատորմի օգնությունը հայերին 1909-1915թթ» գրքի շնորհանդեսը:
Բարձր գնահատելով Ժորժ Կևորկյանի աշխատանքը՝ Հայկ Դեմոյանը Ժորժ Կևորկյանին պարգևատրեց Հայոց ցեղասպանության թանգարան-ինստիտուտի «Ֆրանց Վերֆել» մեդալով: Ֆրանսահայ ճարտարագետը բարձր գնահատանքի արժանացավ նաև Մուսա լեռան հերոսամարտի 100-ամյակի կենտրոնական մարմնի կողմից: Ժորժ Կևորկյանը պարգևատրվեց նաև «Մուսա լեռ» պատվո շքանշանով:
Շնորհակալություն հայտնելով նման բարձր պարգևներիի համար՝ Ժորժ Կևորկյանը հույս հայտնեց, որ գիրքը մի օր անպայման կթարգմանվի հայերերն:
Այնուհետև տեղի ունեցավ Մուսա լեռից բերված և մուսալեռցիների կենցաղը ներկայացնող իրերի ցուցադրություն:
ՀԱՅԵՐԵՆ
Русский
English
Դաս. հայերեն
French
