Տաջիկստանի Գլխավոր դատախազությունը դիմել է Գերագույն դատարանին` կասեցնելու «Իսլամական վերածնունդ» կուսակցության գործունեությունը
28-09-2015 16:23:11 | Տաջիկստան | Միջազգային
Տաջիկստանի Գլխավոր դատախազությունը դիմել է Գերագույն դատարանին կասեցնելու «Իսլամական վերածնունդ» կուսակցության գործունեությունը: Այս մասին գրում է gazeta.ru-ն` վկայակոչելով ТАСС-ին:
Աղբյուրի տեղեկացմամբ` անկնկալվում է, որ վերոնշյալ կուսակցությունը կհայտարարվի ծայրահեղ-ահաբեկչական, իսկ նրան պատկանող ամբողջ գրականությունը, հրատարակությունները և կայքերը կարգելվեն Տաջիկստանի տարածքում:
Ավելի վաղ, Գլխավոր դատախազությունում հայտարարել էին, որ Տաջիկստանի պաշտպանության նախարարի նախկին տեղակալ Աբդուհալիմ Նազարզոդան 2010 թվականից պատրաստվել է ռազմական խռովության:
Ինչպես նշվում է, 2010 թվականից մինչև 2015 թվականի օգոստոսը, Տաջիկստանի «Իսլամական վերածնունդ կուսակցության» ներկայացուցիչ Մուհիդինա Քաբիրիի ցուցումներով հանցավոր միավորում ստեղծելու նպատակով ստեղծել է ավելի քան 20 հանցավոր խմբավորումներ` բաղկացած 300 անդամից: