Պենտագոնն ընդունել է իր սխալը Աֆղանստանում ռմբակոծված հիվանդանոցի հետ կապված
07-10-2015 14:10:26 | ԱՄՆ | Միջազգային
Պենտագոնի ղեկավար Էշտոն Քարտերը ցավակցություն է հայտնել աֆղանական Կունդուզ քաղաքում հիվանդանոցին հասցված ավիահարվածների հետևանքով զոհված մարդկանց հարազատներին: Այս մասին գրում է lenta.ru-ն` վկայակոչելով Reuters-ին:
Աղբյուրի տեղեկացմամբ` Է. Քարտերն ընդունել է, որ ռազմական կառույցը սխալ է թույլ տվել:
«Ամերիկացի զինվորականները հատուկ գործողությունների ընթացքում փորձել են կանխել անմեղ մարդկանց մահը: Եվ երբ մենք սխալ ենք թույլ տալիս, ապա մենք ընդունում ենք մեր սխալը: Սա հենց այդ է, ինչ մենք անում ենք հիմա»,- նշել է Է. Քարտերը:
Նա նաև ավելացրել է, որ կարվի ամեն հնարավորը, որպեսզի այդ ողբերգական միջադեպի պատճառները բացահայտվեն, իսկ մեղավորները ենթարկվեն պատասխանատվության:
ՀԱՅԵՐԵՆ
Русский
English
Դաս. հայերեն
French
