Աֆղան թալիբների կողմից փակվել է 25 դպրոց` նախատեսված աղջիկների համար
27-10-2015 17:17:41 | Աֆղանստան | Միջազգային
Աֆղանստանում գործող «Թալիբան» շարժման ծայրահեղականները վերջին մի քանի ամիսների ընթացքում Լոգար նահանգի տարածքում փակել են աղջիկների համար նախատեսված 25 միջնակարգ դպրոց: Այս մասին գրում է tass.ru-ն` վկայակոչելով Frontier Post-ին:
Աղբյուրի տեղեկացմամբ` ուսումնական հաստատությունների փակման պատճառով մի քանի հազար աղջիկներ զրկվել են աշխարհիկ կրթություն ստանալու հնարավորությունից: Նշված նահանգում ծայրահեղականները տեղի մահմեդական հոգևորականներին արգելել են պետական կառույցներից աշխատավարձ վերցնել, հակառակ պարագայում սպառնացել են նրանց հետ դաժան հաշվեհարդար տեսնել:
Ավելի վաղ, աֆղան թալիբները բազմիցս փակել են Աֆղանստանի տարածքում իրենց հսկողության տակ գտնվող շրջանների ուսումնական հաստատությունները, փոխարենը մզկիթներում պարտադրել են ներդնել տարրական կրոնական կրթական համակարգ: