Առնվազն 22 մարդ է զոհվել Թելլ-Թամեր քրիստոնյա քաղաքում տեղի ունեցած պայթյունների հետևանքով. ԶԼՄ-ներ
11-12-2015 13:56:43 | Սիրիա | Միջազգային
Առնվազն 22 մարդ զոհվել, իսկ տասնյակից ավելին վիրավորվել է սիրիական Թելլ-Թամեր քրիստոնյա քաղաքում տեղի ունեցած պայթյունների հետևանքով: Այս մասին տեղեկացնում է tass.ru-ն` վկայակոչելով "Sky News - Arabia" հեռուստաալիքին:
Աղբյուրի տեղեկացմամբ` ծայրահեղականները պայթեցրել են երեք մինապատ ավտոմեքենաներ: Զոհվածների թվում կան խաղաղ բնակիչներ և ինքնապաշտպանական ուժերի զինվորներ, ովքեր հիմնականում սիրիացիներ և քրդեր են:
Թելլ-Թամերը գտնվում է Հասեկե նահանգում, որտեղ գործող «Իսլամական պետություն» ահաբեկչական խմբավորման զինյալները փետրվարին պատանդ էին վերցրել ավելի քան 200 տեղի քրիստոնյաների և տեղափոխել նրանց Ջեբել-Աբդելազիզում գտնվող իրենց բազա: