Ուկրաինայի և ՆԱՏՕ-ի միջև ստորագրվել է ռազմատեխնիկական համագործակցության «ճանապարհային քարտեզ»
17-12-2015 14:59:28 | Ուկրաինա | Միջազգային
Ուկրաինայի և ՆԱՏՕ-ի միջև ստորագրվել է ռազմատեխնիկական համագործակցության «ճանապարհային քարտեզ»:
korrespondent.net-ի փոխանցմամբ` փաստաթուղթը ստորագրվել է Ուկրաինայի նախագահ Պյոտր Պորոշենկոյի` Ալյանսի գլխավոր շտաբ կատարած այցի շրջանակներում:
Ուկրաինայի ազգային անվտանգության և պաշտպանության միության հաղորդագրությունում ասվում է, որ «ճանապարհային քարտեզի» ստորագրումը հանդիսանում է այդ ոլորտում երկարաժամկետ համագործակցության տրամաբանական շարունակությունը և ուղղված է առաջնահերթությունների իրականացման համար անհրաժեշտ գործնական ասպեկտների զարգացմանը, որոնք առանձնացվել են համատեղ հայտարարությունում կապված Ուկրաինայի և ՆԱՏՕ-ի միջև ուժեղացված ռազմատեխնիկական համագործակցության հետ, որը ստորագրվել է 2015 թվականի սեպտեմբերի 22-ին ՆԱՏՕ-ի գլխավոր քարտուղարի` Ուկրաինա կատարած այցի շրջանակներում:
Փաստաթուղթը սահմանում է համագործակցության հիմնական միջոցներն Ուկրաինայի` սպառազինության և ռազմական տեխնիկայի ոլորտում ունեցած հետաքրքրությունների զարգացմանը, այդ ոլորտում ՆԱՏՕ-ի ուժերի հետ փոխագործակցության ձեռք բերմանը, ինչպես նաև Կիևին աջակցություն ցուցաբերել անցնելու Ալյանսի տեխնիկական չափանիշներին: