Սինգապուրի նեղուցում երկու նավերի բախման արդյունքում կան անհետ կորածներ
17-12-2015 17:52:29 | Սինգապուր | Միջազգային
Սինգապուրի նեղուցում բեռնատար նավը բախվելով լցանավին խորտակվել է. արդյունքում կորել է 6 մարդ:
korrespondent.net-ի փոխանցմամբ` միջադեպը տեղի է ունեցել Ինդոնեզիայի տարածքային ջրերում` Բաթամ կղզուց 11 կմ հյուսիս-արևմուտք:
Տեղեկացվում է, որ Անտիգուա և Բարբուդայի դրոշը կրող բեռնատար նավը դիզելային վառելիք է տեղափոխել, իսկ լցանավում քիմիական նյութեր են եղել: Անձնակազմի 6 անդամ փրկվել է, ներկայումս շարունակվում է մյուս 6 անդամների որոնումը:
Համաձայն Սինգապուրի ծովային ու նավահանգստային վարչության տրամադրած տեղեկության, քիմիական նյութեր տեղափոխող լցանավի ստացած վնասն աննշան է:
Հավելենք, որ ներկայումս ոչ մի տեղեկություն չի հաղորդվել բեռնափոխադրումների օրակարգի խախտման կամ նավթի արտահոսքի մասին: