Թողարկվել է «Կասպերսկու» առաջին անվճար հակավիրուսը
13-01-2016 19:33:11 | | Գիտություն եւ տեխնոլոգիաներ
«Կասպերսկու լաբորատորիան» թողարկել է առաջին անվճար հակավիրուսը Windows-ի տնային օգտագործողների համար: Հակավիրուսը կարելի է ներբեռնել ընկերության պաշտոնական կայքից:
Gazeta.ru-ի փոխանցմամբ` Kaspersky Free հակավիրուսը կարող է պաշտպանել համակարգիչները վտանգավոր համակարգչային ծրագրերից և նախազգուշացնել նմանատիպ կայքերի մասին: Ի տարբերություն Kaspersky Anti-Virus ամբողջական տարբերակի, որն արժե 1320 ռուբլի, Kaspersky Free-ն չի կարող պաշտպանել օգտատիրոջը ծրագրեր գողացողներից և չի տրամադրում անհրաժեշտ պաշտպանական երաշխիքներ էլեկտրոնային վճարումներ կատարելու, գաղտաբառեր և այլ անձնական տեղեկություններ փոխելու համար:
Ավելի վաղ, «Կասպերսկու լաբորատորիայի» փորձագետները բացահայտել էին «Play Market» հավելվածի միջոցով «ВКонтакте» սոցիալական ցանցից յուրացված մեծածավալ հաշիվների մասին: