Բաշար Ասադին հաջողվել է վերահսկողություն սահամնել ստրատեգիական նշանակություն ունեցող հերթական քաղաքի վրա
05-02-2016 16:46:12 | Սիրիա | Միջազգային
Սիրիայում Բաշար Ասադի բանակն աշխարհազորայինների հետ համատեղ ԻՊ զինյալներից խլել է երկրի հարավում գտնվող ստրատեգիական նշանակություն ունեցող Օսման քաղաքը: korrespondent.net-ի փոխանցմամբ` քաղաքի ազատագրման գործողություններն հաջողությամբ ընթացել են շնորհիվ զինյալների դիրքերին հասցված ավիահարվածների: Բ. Ասադի զորքերին և դաշնակիցներին, այդ թվում նաև լիբանանյան Հեզբոլահ կազմակերպությանը, վերջին օրերին Հալեպ նահանգում ապստամբների դեմ պայքարում հաջողվել է առավելության հասնել:
Ավելի վաղ հաղորդվել էր, որ սիրիական զորքերը չորս տարվա շրջափակումից հաջողությամբ ազատագրել են նաև Նոբուլ և Էզ-Զախրա շիա քաղաքները:
Բացի այդ, Բ. Ասադի բանակն աշխարհազորայինների օգնությամբ կտրել է սիրիական ընդդիմությանը զինամթերքի մատակարարման գլխավոր ուղիները:
Կառավարական բանակի հարձակումները Սիրիայում ընթանում են Ժնևում սիրիական կոնֆլիկտի կարգավորման շուրջ հունվարի 29-ից սկսված բանակցությունների ֆոնին: