Չինական թեյախմություն եւ հայկական խոտաբույսերի համտեսում Երեւանում (ֆոտոշարք)

15-02-2016 22:37:36 | Հայաստան | Մշակույթ

Մայրաքաղաքում առաջին անգամ կազմակերպված հայ-չինական մշակութային օրերի շրջանակում փետրվարի 15-ին «Ակումբում» կազմակերպվել էր չինական թեյերի եւ հայկական խոտաբույսերի թրմերի համտեսման հանդիսավոր արարղությունը:

Հայաստանի ավանդական ուշուի ֆեդերացիայի նախագահ Տիգրան Չոբանյանի խոսքերով այսօրվա միջոցառման նպատկն է զուգահեռներ անցկացնել հայ եւ չինական մշակույթի ասպարեզներում, մասնավորապես՝ թեյերի ավանդույթների միջեւ: « Այս ավանդույթը ունի բավականին լավ արարողակարգ, որի նպատակն է հավաքել մարդկանց իրար շուրջ: Բացի սա, մեզ այսօր քիչ հայտնի է այն, որ կա նաեւ հայկական թեյախմության ավանդույթ, որը ոչ պակաս հին է, քան չինականը»,- ասաց Տ. Չոբանյանը միեւնույն ժամանակ նշելով, որ չինական թեյի պատրաստումը եւ’ համով, եւ’արարողակարգով տարբերվում է հայկական տարբերակի պատրաստման եղանակից:

Տեղեկացնենք, որ մինչ թեյի պատրաստելը, մասնագետը նախ տաք ջրով լվաց սպասքը, որպեսզի բացասական ուժերը վանեն: Սպասքը լվանալուն հայորդում է թեյի լցման արարողությունը. Թեյը պետք է լցնել որքան հնարավոր է բարձր տարածությունից, որպեսզի այն «շփվի» օդի հետ:

Նշենք, որ ի տարբերություն հայկական թեյախմության, չինականի դեպքում հյուրերին թեյի հետ քացրավենիք չեն մատուցում. այսպես նրանք պահպանում են թեյի բնական համը:

Միջոցառման ընթացքում հյուրերի ներկայությամբ մասնագետները պատրաստեցին կանաչ եւ սեւ տեսակի թեյեր, եւ հյուրասիրեցին միջոցառման մասնակիցներին:

Հիշեցնենք, որ հայ-չինական մշակութային օրերի շրջանակում սա թվով երրորդ միջոցառումն է, որը կազմարպել են Հայաստանի ավանդական ուշուի ֆեդերացիան, «Սանգուան» առողջարարական կենտրոնը եւ Չինական գիտության եւ մշակույթի կենտրոնը:

Մերի Հունանյան, «Նոյյան Տապան»

Միջոցառման լուսանկարներն այստեղ

Նոյյան տապան - Մշակույթ

Կարդացել են 1316 անգամ

Չինական թեյախմություն եւ հայկական խոտաբույսերի համտեսում Երեւանում (ֆոտոշարք)

Noyan Tapan TV