Բրիտանական ֆիլմերի փառատոնի հյուր Սայմոն Ուիլքինսոնը հանրության դատին հանձնեց իր «Խորանարդ» ֆիլմը
24-02-2016 15:33:56 | Հայաստան | Մշակույթ
Բրիտանական ֆիլմերի 14-րդ` «Լավագույնը Բրիտանիայից» խորագիրը կրող փառատոնի շրջանակում Սայմոն Ուիլքինսոնը փետրվարի 23-ին և 24-ին Թումո ստեղծարար տեխնոլոգիաների կենտրոնում հանդես եկավ դասախոսությամբ, ինչպես նաև ներկայացրեց «Խորանարդ» ֆիլմը։
«Խորանարդ» ֆիլմը վիրտուալ իրականության փորձ է, որը ձգտում է հանդիսատեսին ներկայացնել պատմության ամենատարօրինակ զանգվածային անհետացումներից մեկը՝ անհետացածների թողած ութ նամակ-ապացույցի հիման վրա: Ներկայացումը պատմում է 1959 թ․ Մոգական հովտի Այդահոյի Հումանիտար գիտությունների քոլեջի ութ ուսանողների խորհրդավոր անհետացման մասին։ Ուսանողների՝ իրենց ծնողներին գրած նամակները նրանցից մնացած միակ իրն էր: Նամակները հայտնաբերվել են սև փայտե խորանարդում։ Այս խորանարդից է սկսվում պատմության նոր հետազոտությունը։ «Խորանարդը» բազմազգայական վիրտուալ իրականության փորձառություն է, որը Ձեզ դնում է անհետացածներից մեկի դերում։
circa69 անվան տակ հանդես եկող Սայմոն Ուիլքինսոնը իրեն բնորոշում է որպես միջպլատֆորմային արվեստագետ: Արվեստագետի աշխատանքըիր մեջ ներառում է աուդիովիզուալ միջոցներ, ինստալյացիա, վիրտուալ իրականություն, էլեկտրոնային երաժշտություն և առցանց ու կատարողական արտահայտչամիջոցներ՝ հաճախ միաժամանակ համատեղելով բոլոր այս մոտեցումները։
Հայաստանում Beeline-ի Գլխավոր տնօրեն Անդրեյ Պյատախինը նշեց, որ ուրախալի է այն հանգամանքը, որ Բրիտանական ֆիլմերի 14-րդ փառատոնի շրջանակում կինոարվեստի սիրահարների համար հասանելի են ոչ միայն հետաքրքիր և որակյալ ֆիլմերը, զանազան մրցույթներին մասնակցելու բազմաթիվ հնարավորությունները, այլ նաև արհեստավարժ մասնագետի դասախոսությունն ու խորհրդատվությունը, որն էլ իր հերթին նպաստում է մարդկանց կյանքն էլ ավելի լավ դարձնելուն:
Բրիտանական խորհրդի հայաստանյան մասնաճյուղի տնօրեն Արևիկ Սարիբեկյանն էլ նշեց, որ ֆիլմը տաբեր արտահայտչամիջոցների միաձուլման հրաշալի օրինակ է. «Այս ֆիլմը տաբեր արտահայտչամիջոցների միաձուլման հրաշալի օրինակ է: Այն նորարարական մոտեցում է և ներկայացնում է Միացյալ Թագավորությունում կինոարվեստի զարգացման նոր հնարավորությունները»:
Բրիտանական ֆիլմերի 14-րդ փառատոնի կազմակերպիչներն են Բրիտանական խորհուրդը, Երևանում Բրիտանական դեսպանատունը և ՀՀ Մշակույթի նախարարությունը, փառատոնի գլխավոր հովանավորն է Beeline–ը Հայաստանում:
Հիշեցնենք, որ փառատոնն այս տարի կրում է «Լավագույնը Բրիտանիայից» խորագիրը:
ՀԱՅԵՐԵՆ
Русский
English
Դաս. հայերեն
French
