Քրդերը Սիրիայի մի հատվածը հայտարարել են դաշնային շրջան
17-03-2016 16:45:39 | Հայաստան | Միջազգային
Քրդերը հայտարարել են Սիրիայի հյուսիսում դաշնային շրջան ստեղծելու մասին: Նման որոշում կայացրել են Քրդական Դեմոկրատական կուսակցությունը: korrespondent.net-ի փոխանցմամբ` սիրիացի քրդերը գտնում են, որ Սիրիայի հակամարտության լուծուման միակ ճանապարհը դաշնայնացումն է:
Սիրիայի հյուսիսում դաշնային շրջան ստեղծելու որոշումը պաշտպանել են իրաքյան քրդերը, իսկ պաշտոնական Դամասկոսն անօրինական է անվանել սիրիացի քրդերի դաշնային կառավարման համակարգը:
«Սիրիական կառավարությունը նախազգուշացնում է, որ վերացնելու է Սիրիայի միասնությանը և տարածքային ամբողջականությանը վտանգ ներկայացնող ցանկացած փորձ` անկախ նրանից, թե ինչ անվան տակ են հանդես գալիս»,- հայտարարվել է Սիրիայի Արտաքին գործերի նախարարության կողմից:
Կրեմլում հայտարարել են, որ սիրիացի քրդերի հարցի լուծումը և Սիրիայի ներքին կառավարումն ամբողջությամբ հենց սիրիացիների գործն է:
ՀԱՅԵՐԵՆ
Русский
English
Դաս. հայերեն
French
