ԻՊ-ը բելգիական ողբերգության մասին նոր տեսահոլովակում օգտագործել է Դոնալդ Թրամփի նկարը
25-03-2016 13:09:30 | | Հասարակություն
«Իսլամական պետություն» ահաբեկչական խմբավորումը բելգիական հարձակումների մասին նոր տեսահոլովակում օգատգործել է ԱՄՆ-ի նախագահի թեկնածու Դոնալդ Թրամփի պատկերը:
gazeta.ru-ի փոխանցմամբ` իրենց նոր ուղերձում ահաբեկիչներն օգատգործել են Դ. Թրամփի նկարը և մեջբերումը: Վերջինս իր խոսքում նշել էր հետևյալը. «Բրյուսելը 20 տարի առաջ եղել է աշխարհի ամենագեղեցիկ քաղաքներից մեկը: Այն իսկապես եղել է զարմանալի և անվտանգ: Ներկայումս Բրյուսելը վերածվել է սարսափների բացարձակ շոուի»:
Տեսանյութը պարունակում է նաև կադրեր ողբերգության մասին նորությունների քրոնիկայից, որի վրա տեղադրված է արաբական երաժշտություն:
Ավելի վաղ, Դ. Թրամփը քննադատել էր եվրոպական ապրելակերպը և Բրյուսելն անվանել է «Դժոխային անդունդ»: