Արեւմուտքը չի ուզում, որ Սրիրայի քրդերը մասնակցեն միջսիրիական բանակցություններին
06-04-2016 08:19:38 | ԱՄՆ | Քաղաքական
ՄԱԿ ԱԽ-ի արևմտյան անդամ երկրներն արգելափակել են Ռուսաստանի առաջարկած հայտարարության նախագիծը՝ միջսիրիական բանակցությունների առաջիկա փուլի առավելագույն ներկայացուցչական բնույթն ապահովելու կոչով: Այս մասին հաղորդում է TASS-ը՝հղելով ՄԱԿ-ում Ռուսաստանի մշտական ներկայացուցիչ Վիտալի Չուրկինին:
Ըստ դիվանագետի Մոսկվային անհանգստացնում է այն, որ սիրիացի քրդերը մինչև հիմա հրավիրված չեն ժնևյան բանակցություններին, ինչը հակասում է Սիրիայում քաղաքական գործընթացի ներգրավվածության ՄԱԿ ԱԽ-ի բանաձևերի դրույթներին: «Թվում էր՝ մեր անհանգստությունը կիսում են բոլոր հիմնական գործընկերները: Մենք ՄԱԿ ԱԽ-ի անդամների քննարկմանն ենք դրել մամուլի համար հայտարարության նախագիծ՝ առաջիկա բանակցությունների ընթացքում միջսիրիական երկխոսության առավել ներկայացուցչական բնույթն ապահովելու կոչով»,- ասել է է Չուրկինը:
«Մենք զարմացանք, երբ այդ նախագիծն արգելափակվեց արևմտյան որոշ երկրների կողմից: Իր ապակառուցողական ավանդն ունեցել է նաև ուկրաինական պատվիրակությունը»,- նշել է նա:
ՀԱՅԵՐԵՆ
Русский
English
Դաս. հայերեն
French
