Ադրբեջանին զինելու ցանկացած փորձ՝ ագրեսիա է Հայաստանի Հանրապետության դեմ.ԵՊՄ

11-04-2016 13:18:13 | Հայաստան | Քաղաքական

Երիտասարդ Պահպանողականների Միությունը, դատապարտելով ցանկացած տեսակի բռնություն, խորապես ցավում է հայ-ադրբեջանական ապրիլյան պատերազմում բոլոր մարդկային կորուստների համար, և համոզմունք հայտնում, որ բռնության հիմնական խթանը ուժերի հավասարակշռությունը խախտելն է:

Հաշվի առնելով Թուրքիայի և Ռուսաստանի ապակառուցողական, սադրիչ և միմյանց նկատմամբ թշնամական գործողությունները՝ Երիտասարդ Պահպանողականների Միությունը կոչ է անում Հայաստանի իշխանությանը և քաղաքական ուժերին՝ ակտիվորեն համագործակցել ԱՄՆ-ի, ՆԱՏՕ-ի և միջազգային կառույցների հետ` ապահովելու համար վերջիններիս անմիջական և գործուն մասնակցությունը զինադադարի պահպանման և համապարփակ խաղաղության հասնելու հարցում:

Հայաստանի հասարակությանը հորդորում ենք մերժել հակամարտության կարգավորման այն տարբերակները, որոնք չեն նախատեսում բռնության բռնկումը բացառող արևմտյան երաշխիքները, և հետայսու Ադրբեջանին զինելու ցանկացած փորձ համարել ուղղակի ագրեսիա Հայաստանի Հանրապետության դեմ:

ԵՊՄ նախագահություն

11.04.2016թ.

Ք. Երևան

Նոյյան տապան - Քաղաքական