Եզդի զինծառայող Քյարամ Սլոյանի ընտանիքին օգնելու նախաձեռնությանը միացել է նաև «Semur & Co» ՍՊԸ-ն
12-04-2016 15:15:50 | Հայաստան | Բարեգործություն
Տեղեկություն՝ եզդի զինծառայող Քյարամ Սլոյանի ընտանիքին փոխանցվող օգնության վերաբերյալ։
Չեն դադարում եզդի զինծառայող Քյարամ Սլոյանի ընտանիքին փոխանցվող օգնություններն ու օժանդակությունները: Եզդի զինծառայողի ընտանիքին օգնելու նախաձեռնությանը միացել է նաև «Semur & Co» ՍՊԸ-ն:
«Semur & Co» ՍՊԸ-ի կողմից զոհված եզդի զինծառայող Քյարամ Քյալաշի Սլոյանի ընտանիքին է փոխանցվել տան տանիքի կառուցման համար անհրաժեշտ տանիքի ծածկի թիթեղներ, տանիքի համալրող դետալներ (ջրատար խողովակներ, խողովակի ամրակներ, ջրհորդաններ և այլն), մեխեր և պտուտակներ: Այս ամենի հետ մեկտեղ «Semur & Co» ՍՊԸ-ի կողմից տրամադրվել է նաև ամբողջ տանիքի կառուցման համար անհրաժեշտ փայտ:
«Semur & Co» ՍՊԸ-ն, հանձին ընկերության հիմնադիր և տնօրեն Վիրաբյան Գուրգենի, իր ցավակցությունն է հայտնում զոհված զինծառայող ազգությամբ եզդի Քյարամ Սլոյանի ընտանիքին, բարեկամներին ու ընկերներին:
«Հայաստանի երիտասարդ եզդիների ասոցացիա»-ն իր խորին շնորհակալությունն է հայտնում «Semur & Co» ՍՊԸ-ի ղեկավարությանը` հանձին Վիրաբյան Գուրգենի` զոհված եզդի զինծառայողի ընտանիքին օգնելու համար:
ՀԱՅԵՐԵՆ
Русский
English
Դաս. հայերեն
French
