Մադրիդի Ռեալին հաջողվում է Չեմպիոնների Լիգայի կիսաեզրափակչի ուղեգիր նվաճել (Տեսանյութ)
13-04-2016 01:49:59 | Իսպանիա | Սպորտ
Իսպանական Ռեալ Մադրիդ ֆուտբոլային ակումբը գերմանական Վոլֆսբուրգի հետ խաղում 3 անպատասխան գնդակ է ուղարկել մրցակցի դարպասը՝ այդպիսով նվաճելով Չեմպիոնների Լիգայի 1/4-րդ եզրափակչի ուղեգիր:
Հանդիպման առաջին խաղակեսի 16 րոպեին արքայական ակումբի պորտուգալացի հարձակվող Կրիշտիանո Ռոնալդուն բացել է խաղի հաշիվը, այնուհետև վայրկյաններ անց ևս մեկ գոլ խփելով ՝ իր հաշվին դուբլ է գրանցել:
Երկրորդ խաղակեսի 77-րդ րոպեին Ռոնալդուին հաջողվեց այս խաղի վերջին և հաղթական գոլը խփել և ձեռք բերել Չեմպիոնների լիգայի հաջորդ փուլն անցնելու ուղեգիրը:
Հիշեցնենք, որ Վոլֆսբուրգ- Ռեալ Մադրիդ առաջին դիմակայությունն ավարտվել էր 2:0 գերմանացիների հաղթանակով, և այս խաղում սերուցքայիններին առնվազն 3 գոլ էր պետք 1/4-րդ եզրափակիչ անցնելու համար, ինչը և նրանց հաջողվեց: