Ֆինանսական խնդրիների պատճառով Ռումինիային դուրս են թողել «Եվրատեսիլ» երգի միջազգային մրցույթից: korrespondent.net-ի փոխանցմամբ` այդ մասին հայտնում է EBU կոմիտեն:
Հայտարարությունում ասվել է, որ Ռումինիան զրկվում է 2016 թվականի մրցույթին մասնակցելու հնարավորությունից, ինչպես նաև կորցնում է հասանելիությունը ЕВС այլ ծառայություններին, այդ թվում նորությունների փոխանակումից և սպորտային միջոցառումների ուղիղ հեռարձակման իրավունքից:
Ռումինական TVR հեռուստաալիքի հետ աշխատանքը դադարեցվել է այն բանից հետո, երբ հեռուստաաընկերությունը չի կարողացել նախատեսված ժամկետներում վճարել 16 մլն շվեյցարական ֆրանկները:
Ավելի վաղ հաղորդվել էր, որ Ուկրաինայի ներկայացուցիչ Ջամալին գումար չունի «Եվրատեսիլին» մասնակցելու համար: Երգչուհին խոստովանել էր, որ ուղևորության համար միջոցներ չունի: