Հ. Պողոսյանն ընդունել է Էստոնական ազգային արական երգչախմբի գեղարվեստական ղեկավար և դիրիժոր Միկ Ուլեոայի գլխավորած պատվիրակությանը

25-04-2016 18:35:42 | Հայաստան | Մշակույթ

Ս. թ. ապրիլի 25-ին, ՀՀ մշակույթի նախարար Հ. Պողոսյանն ընդունեց «Գրեմմիի» մրցանակակիր, Էստոնական ազգային արական երգչախմբի գեղարվեստական ղեկավար և դիրիժոր Միկ Ուլեոային, «Էեսթի կոնսերթ» երաժշտական կազմակերպության խորհրդի անդամ Յուրի Լայտենին և «Սաարեմա օպերա» փառատոնի զարգացման տնօրեն ու կազմակերպիչ Կերտու Օրրոյին:

Ողջունելով հյուրերին, Հ. Պողոսյանը հույս հայտնեց, որ նրանց այցը Հայաստան ամուր հիմք կհանդիսանա երկու երկրների միջև մշակութային համագործակցության, ինչպես նաև հայաստանյան համանման կազմակերպությունների հետ ուղիղ կապեր հաստատելու գործում: Նախարարն համոզմունք հայտնեց, որ այս համագործակցությունը կնպաստի նաև Հայաստանի և Էստոնիայի միջև մշակութային երկխոսության հետագա խորացմանն ու նոր ծրագրերի իրականացմանը:

Նշենք, որ 2015 թվականին, Հայոց ցեղասպանության 100-րդ տարելիցի շրջանակում` երգչախումբը Էստոնիայի Սբ Հովհաննես եկեղեցում մասնակցել է «Քեզ հետ, Հայաստան» խորագիրը կրող համերգին: 2015 թվականին տեղի է ունեցել նաև «Հովեր» երգչախմբի համերգները Յովի, Պյարնու և Տալլին քաղաքներում:

Քննարկվեցին նաև հայաստանյան երգչախմբերի հետ համատեղ համերգների իրականացման հնարավորությունները:

Հանդիպման ավարտին, նախարար Հ. Պողոսյանը, ՀՀ մշակույթի նախարարության «Ոսկե մեդալով» պարգևատրեց Էստոնիայի արական երգչախմբի գեղարվեստական ղեկավար և դիրիժոր Միկ Ուլեոային՝ Հայոց ցեղասպանության 100-րդ տարելիցը միջազգային հարթակում լավագույնս ներ¬կա¬յացնելու, ինչպես նաև հայանպաստ գործունեություն ծավալելու կապակցությամբ:

Նոյյան տապան - Մշակույթ

Կարդացել են 1081 անգամ

Հ. Պողոսյանն ընդունել է Էստոնական ազգային արական երգչախմբի գեղարվեստական ղեկավար և դիրիժոր Միկ Ուլեոայի գլխավորած պատվիրակությանը

Noyan Tapan TV