Ադելը ռեկորդային 90 մլն եվրո արժողությամբ պայմանագիր է կնքելու Sony Music-ի հետ

23-05-2016 15:12:42 | Մեծ Բրիտանիա | Միջազգային

Բրիտանացի երգչուհի Ադելը ռեկորդային 90 մլն եվրո արժողությամբ պայմանագիր է կնքելու Sony Music ընկերության հետ: gazeta.ru-ի փոխանցմամբ` սա ամենամեծ գումարն է Միացյալ թագավորության երաժիշտների հետ կնքված պայմանագրերի շարքում: Նախորդ նման ձեռքբերումը պատկանել է Ռոբի Ուիլյամսին, ում 2002 թվականին EMI ընկերությունը վճարել էր 80 մլն եվրո:

Բացի այդ, սա ամենամեծ պայմանագրային գումարն է կանանց համար (2001 թվականին Ուիթնի Հյուսթոնը ստացել է 70 մլն եվրո Arista ընկերությունից ):

Ակնկալվում է, որ Ադելը պայմանագիրը Sony Music-ի հետ կկնքի առաջիկա շաբաթվա մեջ: Դրանից հետո ընկերությունը բացառիկ իրավունք կստանա ամբողջ աշխարհով երգչուհու հետագա երգերի տարածման համար:

Sony-ն և Ադելի ներկայացուցիչը հրաժարվել են մեկնաբանել այս նորությունը:

Նոյյան տապան - Միջազգային

Կարդացել են 1191 անգամ

Ադելը ռեկորդային 90 մլն եվրո արժողությամբ պայմանագիր է կնքելու Sony Music-ի հետ

Noyan Tapan TV